Ayo Pakai Bahasa Daerah

Sepurane sakdurunge, aku nules blog iki nggawe boso jowo. Boso jowone khas wong jawa timur ambek suroboyo. Dadi rodok kasar-kasar piye ngunu. Sepurane yo rek... hehehe. selain boso indonesia seng dadi boso wajib negoroku, Boso jowo yo dadi boso daerah ku. Nek gak ngene engkok sopo maneh seng isok ngelestarekno boso daerah ku dewe. Nek gak dimulai teko awakku dewe.

                Mambengi, pas aku gak isok turu ambek koncoku. Aku mbahas tentang indonesia rek. Indonesia iku uwapik looh rek. Ojok mbok ilok-ilokno ae, ojok di adu-adu. Sumpek aku ngeasaknoe. Koncoku ngomong nang aku nek onok wong ngelekno indonesia, arekke kuduk njundu wong seng ngilokno indonesia iku mau. Kuduk ngguyu aku ngerungoknoe. Koyok wanio njundu. Hahaha. Terus jare areke maneh, ancenan nek pean-pean ngerti indonesia secara mendalam, pasti lak langsung jatuh cuwinta pol ambek indonesia.

                Wong luar kono, podo ngelirik indonesia seng apikke koyok ngene. Mosok yo awak dewe ngelekno negoroe dewe reekk... gak lucu looh. Turis-turis podo merene, rekreaksi nang alame indonesia. Lah ancen indonesia uwapik aree. Sumpah, rasane aku yo kudu njelajahi kabeh kok. Wong turis-turis ae podo nyinaoni indonesia. Mosok awak dewe enggak. Wong toris iku rek, nyinaoni indonesia mulai teko budayane, alame, wes pokoke sembarang kalire indonesia iku di luwirik wong luar. Nek awak dewe gak isok njogo Indonesia kene. Yo wes emboh dadi opo mene indonesia pas keturunane awak dewe. Mugi-mugi ae jek awet Indonesia iki yooh. Amiinnn...

                Ngerti selebgram seng jenenge ‘londo kampung’ ta rek? Iku wong Australia seng tinggal nang Indonesia wes pirang-pirang tahun. Lebih teko rong polo paling nek gak salah. Londo kampung iku isok boso jowo loh rek. Cuweto malah. Sak logat-logate kuwentel. Nek gak percoyo golek’ono instragame seng jenenge londo kampung. Gak mbijuk aku, wong poso-poso yo mosok mbijuk. Lah iyo, wong bule ae isok boso jowo. Mosok awak dewe seng wong asli jowo gak isok ngomong boso jowo. Ngisin-ngisini ae. Prihatin aku kadangan ambek arek-arek saiki seng dijak ngomong boso jowo gak paham. Isoke boso indonesia tok. Iyo ancen bener boso indonesia iku wajib. Tapi yo seengga’e ayo laah ngerti boso jowo seng dadi   daerah mu dewe. Masio gak boso jowo tok rek. Bekne sampean wong sunda, utowo wong daerah liyane jowo, belajaro boso daerahmu dewe rek. Mesisan sak budayae dewe. Ayolah belajar nggal titik. Aku yo ijek belajar kok, podo ae.

                Arek enom saiki lak pinter-pinter boso inggris yo? Aku ae kalah ambek muridku dewe nek tentang boso Inggris. Padahal boso Inggris iku yo boso Internasional, tapi aku gak ahli blas aree. Lah seng tak masalahno iku, arek seng ngomong boso Inggrise ceto, Tak takoni nggawe boso jowo ora iso njawab, trus tak takoni omahe asli endi. Ternyata omahe asli Suroboyo. Lah iyo, boso ne wong adoh isok, tapi boso daerahe dewe ora isok.

                Temenan loh rek, boso daerahmu iku ojok di lalekno ples. Sawangane ngunu boso daerahmu iku isok nggarai awakmu adoh teko jodohmu rek. Gak percoyo yo? Aku ngerti dewe loh. Tapi duduk aku seng ngalami. Iki onok wong wedok gak isok boso jowo alus, trus pas di temuno ambek ibuke pacare, jawane kajenge dijak rabi maksude. Lah ibuke pacare iku mau nakoni arek wedok iku mau nggawe boso jowo alus. Arek wedok iki mau paham opo seng diomongno ambek ibuke pacare. Tapi pas ditakoni gak isok njawab nggawe boso jowo. Langsung ibuke wes gak seneng blas ambek arek wedok iku mau. Gak setuju nek anake rabi ambek arek wedok iku mau. Anake kajenge dijodohno ambek wong wedok liyo tapi koyoke mboh sido mboh enggak. Iki cerito temenan loh rek, arek wedoke dewe seng cerito nang aku dewe. Lak sakno se yooo. Mangkane belajar titik-titik boso daerahmu lan budaya daerahmu dewe. Soale calon moro tuwo mu iku gak kabeh seneng ambek wong modern. Luweh akeh seneng karo wong seng isok budaya daerah sekitar.

                Ati-ati en loh yo reek. Iki yo gawe ilingan pisan gawe awakku dewe. Gak moro aku nulis nggedabrus koyok ngene. Kabeh onok sebabe. Indonesia, bosone, alame, budayane lan sak sembarang kalire iku indah nek awak dewe ngerti. Ojok terusan ndelok indonesia teko sisi eleke, mbok pian-pisan sisi apike, ben awak dewe isok nyenengi Indonesia luweh nemen. Ben awak dewe isok syukur isok urip nang negoro iki. Tenang, tentrem, nyaman gak ilok-ilok an terus.

                “tak sawang-sawang Indonesia ayu tenan.” (mocoe laguen)

ps : kalau ada yang tidak faham, silahkan komentar , di terjemahkan ke bahasa Indonesia apa tidak.